Chahato mein uljhano ki ek reet hai,
Yeh ishq ki aadat badi dheet hai,
Humne tumse ki , tumne kisi aur se , mohabbat
Chalo chodo yeh bhi theek hai .

Sawar gaya main tere liye ,
Sudhar bhi gaya main tere liye,
Khokar khudko paa na saka tumko, ek seekh hai..
Chalo chodo yeh bhi theek hai.

Woh sir jhukake kandhe pe jo rakhti ho ,
Jab dar lagta hai tumko ,meri hateli pakadti ho,
Pyaar ka ehsaas jagakar kehti ho, bas meet hai,
Chalo chodo yeh bhi theek hai.

Kabhi haal humara bhi puch liya karo,
Har baat sunate ho, kabhi humein bhi sun liya karo,
Pehli pehel bhi humne karna kaisi yeh kaisi behuda zid hai .
Chalo chodo yeh bhi theek hai

Dekha hai humne tumhe unka hote hue ,
Rukhsat ke waqt , lipatkar mujhse rote hue,
Kya rakhega woh tumhe meri tarah, mann ka bheet hai.
Chalo chodo yeh bhi theek hai…

Khushi mein na sahi ab gum mein toh yaad karti ho,
Jhagadti ho usse toh meri fariyaad karti ho,
Hasi uske hisse mein aur gum mere ,yehi meri jeet hai,
Chalo chodo yeh bhi theek hai..

-Akbar